NOVENA SA GLORIOSO SAN MIGUEL ARKANGHEL
Day 8 – September 27
Tungod sa timaan, Sta. Cruz sa among mga
kaaway bawion mo kami Ginoong Dios namo, sa ngalan sa Amahan, sa Anak, ug sa
Espiritu Santo. AMEN.
ACTO DE CONTRICION
Ginoo kong Jesucristo Dios ug tawo nga
matuod, magbubuhat ug manunubos ko, tungod sa pagka Dios mo nahagugma ako
kanimo labi sa nga tanan, busa nagbasol na ako ug daku uyamot ug naghinulsul na
ako sa akong mga salang tanan sa bug-os kong kasing-kasing nagsaad na ako ug
malig-on nga dili na makasala pag-usab ug likayan ko na man ang mga kahigayonan
sa pagpakasala ug maga-kompisal ako ug magatuman sa penitencia nga isugo kanako,
ihalad ko man kanimo ang akong kinabuhi ang mga buhat ug ang akong kabudlayan
nga tanan, nga igabayad sa akong mga sala ug milaom ako sa imong Diosnon nga
kaayo ug kalooy nga walay katapusan nga pasayloon mo ako tungod sa pagpasakit
ug pagkamatay Mo sa Krus ug hatagan Mo ako sa imong Santos nga grasya nga
ikabalhin ko sa akong mga gawi ug igapadayon ko pagtuman sa maayong buhat kutub
sa ikamatay ko. AMEN.
ORACION SA MATAG ADLAW
Manunubus namo, Señor Jesucristo, matuod
nga Dios ug matuod nga tawo, tungod sa dakung paghigugma kanamo, dung-gon Mo
kami, ug tugoti kami sa among gipangayo Kanimo tungud sa mga pahanungdan sa
Imong mahal nga dugo, ug tungod sa kamahalan sa Principe sa mga Angheles nga
mao ang Imong dakung alagad ug among Ginoo, nga si Señor San Miguel Arkanghel,
busa kay nagtigum man kami sa pagdayeg Kanimo ug sa among Patron nga
katingalahan; taga-i kami sa mainit nga paghinulsul ug malig-on nga pagsaad sa
among mga sala aron dili kami masapayan sa among gipangamuyo Kanimo
niining novena ug dagkuti ang among kasingkasing sa kalayo sa Imong gugma aron
dili kami magyabag-yabag sa mga manggad ning kalibutan ug taga-i usab kami sa
ngatanan nga kaugalingon sa among gituyo ning novena kon uyon sa Imong diosnon
nga kabubot-on ug kon angay sa among mga kalag. AMEN.
IKAWALO KA ADLAW
IHALAD TA SA DIOS TUNGUD SA MGA TANAMAN.
ORACION NGA PAGASABTAN
Ginoo sa mga Querubines nga nagahayag ka
sa kalangitan, dinhi sa kalibutan gipakita mo ang imong kagahum ug kayo nga
walay katapusan, daghan ug mga maayong tanum nga silbi sa among pagkaon aron
mapiskay ang among lawas sa pagalagad Kanimo, ug gisugo mo sa tanan pa, nga sa
singot ug kabudlay sa iyang lawas magpatigayon ang tawo sa iyang kabuhian
tungud sa among Señor San Miguel; naga-ampo kami, ipahilayo mo ang mga ulod ug
uban pang mga kamananapan sa ngatanan nga mga tanaman, aron himuslan namo ang
maayong pag-ani sa mga humay ug mga mais, ug sa uban nga gitanum namo sa among
kabuhian, bendicionan mo sila, Amahan nga maloloy-on, aron dili mausik ang
among singot ug kabudlay. Bugawon usab ang mga sakit sa among mga hayup kay
aron sa ingon niana arang kami dinhi sa kalibutan, ug unya managdayeg sa imong
kalooy sa gingharian sa Gloria ng mao ang langit. AMEN.
AMAHAN NAMO anaa ka sa mga langit pagdaygon ang imong
ngalan umabot ka namo ang imong gingharian. Matuman ang imong mga pagbuot dinhi
sa yuta maingon sa langit. Ang kalan-un namo sa matag adlaw ihatag kanamo karon
adlawa ug
pasayloa kami sa among mga sala ingon nga
nagapasaylo kami sa mga nakasala kanamo ug dili mo kami itugyan sa mga panulay.
Hinunua luwasa kami sa mga dautan.
MAGHIMAYA KA MARIA, Puno ka sa grasya. Ang Ginoo-ong Dios
maana-a kanimo bulahan ka sa mga babayeng tanan ug bulahan man usab ang bunga
sa tiyan nga si Hesus.
SANTA MARIA Inahan ka sa Dios. Ig-ampo mo kaming mga
makasasala, karon ug sa oras sa among ikamatay. AMEN.
MITUO AKO sa Dios nga Amahan. Makagagahum sa nga
tanan. Magbubuhat sa langit ug sa yuta. Mituo ako sa iyang Anak nga bugtong nga
si Jesucristo. Nga gipanamkon sa lalang sa Espirito Santo. Gi-anak ni Santa
Maria nga Birhen. Gi-sakit sa sugo ni Poncio Pilato. Gi-lansang sa Krus,
namatay ug gi-lubong diha sa mga minatay. Misaka sa langit ug nagalingkod sa
tuo sa Dios nga Amahan makagagahum sa mga tanan. Gikan didto mobalik siya aron
sa paghukom sa mga buhi ug sa mga minatay. Mituo ako sa Espirito Santo. Mituo
usab ako nga may Santa Iglesya Katolika. Sa ka-ambitan sa mga Santos sa
kapasayloan sa mga sala. Sa pagkabanhaw sa mga minatay ug sa kinabuhing dayon.
AMEN.
ORACION NGA KAUGALINGON
Punoan nga mahigugmaon sa mga Quirubines
ug maloloy-on nga mananabang sa mga kristianos, Señor San Miguel
nga tungud sa dakung paghigugma mo kanamo gibantayan ug gitabangan mo
kami sa dakung pagkakugi, nagapaubus man kami sa pagpangayo kanimo nga tan-awon
mo sa imong kalooy ang among mga tanaman ug mga hayup aron ang mga tanaman dili
pagadauton sa mga kamananapan, ug ang mga hayup dili mamatay sa sakit; taga-i
kami sa mga bunga nga panuigon nga gipa-abut namo, nga maoy makabuhi ug maka
baskug sa among lawas, sa ulan ug sa adlaw sa tiempo aron moabot sa pagkahinog;
kahadlokan nga bagyo, ug sa mga dalugdug nga dagku aron dili makadaut sa among
lawas, ug sa tanaman ug sa mga kakahoyan; ug aron unya managpasalamat kami sa
imong kalooy diha sa Gloria nga mao ang paghimaya sa langit. AMEN.
GOZOS
Sa pag-adto ug sa pagdangat sa langit sa
katam-isan.
Si San Miguel maoy guia Magtutudlo ug
mag-uuna.
Sa Dios nga gipili ka nga patron namong
palaran, kay ikaw ang among alampoan sa mga tawo nga binunyagan sa among mga
kalisdanan Kami nimo pagtabangan.
Si San Miguel maoy guia Magtutudlo ug
mag-uuna.
Sa hataas nga panggubatan ikaw man ang
kapitan ug ikaw ang dalangpanan sa among mga kagul-anan, gawason mo ang Santos
nga Papa sa iyang mga kalisdanan.
Si San Miguel maoy guia Magtutudlo ug
mag-uuna.
Sa Dios ikaw ginganlan sa kristianos
mananabang, imo silang pagbantayan sa gahum mo nga palaran ug uswaga sa
tinuhoan sa ilang pagkabinunyagan.
Si San Miguel maoy guia Magtutudlo ug
mag-uuna.
Ang mga kristianos nga bihag dili nimo
hikalimtan kay ikaw ang gitugyanan sa ilang mga kalag, Anghel sa Dios nga
bulahan kaloy-an nimo sila.
Si San Miguel maoy guia Magtutudlo ug
mag-uuna.
Ang mga sakit tambalan tabangan mo ug
alimahan sa mga kaguol nila imo silang paglipayon ug sa ila nga pagkaayo dili
mo sila pagbulagan.
Si San Miguel maoy guia Magtutudlo ug
mag-uuna.
Arkanghel sa kagul-anan, kay ikaw man ang
gamhanan sa dagku mo nga gracia bantaye ang mga tanaman, mga daro ug kabal-anan
kay maoy sa kalibutan sa among lawas kabuhian.
Si San Miguel maoy guia Magtutudlo ug
mag-uuna.
Ibulag mo sa among banwa ang dautan nga
pagdiwata ug paglihi nga mangil-ad nga batok sa kabuotan ug kaming tanan
panabangan sa adlaw sa pagpanudya.
Si San Miguel maoy guia Magtutudlo ug
mag-uuna.
Leader
: Ig-ampo mo kami Señor San Miguel
Arkanghel
Response
: Aron kami makadangat sa ginharian sa
langit.
PAG-AMPO
O!
Maloloy-on nga Dios ug Ginoo namo, naga-ampo kami Kanimo nga tungod sa among
manlalaban nga si Señor San Miguel Arkanghel nga tagaan mo kami sa mga kaayohan
sa among kalag ug lawas ug unya bawi-on Mo kami sa mga kasakitan ug pasak-on Mo
kami sa paghimaya sa langit. AMEN.
San Miguel Arkanghel Hymn
San Miguel
Arkanghel
ang imong ngalan
nagkahulogan ug
kinsa’y
sama sa Dios.
Panalipdi kami nga
nagsangpit kanimo
ug tabangi kami
sa pagsugot
ug pag-alagad
sa Ginoong Dios
Panalipdi kami
nga nagsangpit
kanimo
ug tabangi kami
sa pagsugot
ug pag-alagad
sa Ginoong Dios.
