SAN MIGUEL ARKANGHEL: Day 5 – September 24 NOVENA SA GLORIOSO SAN MIGUEL ARKANGHEL

NOVENA SA GLORIOSO SAN MIGUEL ARKANGHEL

Day 5 – September 24

Tungod sa timaan, Sta. Cruz sa among mga kaaway bawion mo kami Ginoong Dios namo, sa ngalan sa Amahan, sa Anak, ug sa Espiritu Santo. AMEN.

ACTO DE CONTRICION

Ginoo kong Jesucristo Dios ug tawo nga matuod, magbubuhat ug manunubos ko, tungod sa pagka Dios mo nahagugma ako kanimo labi sa nga tanan, busa nagbasol na ako ug daku uyamot ug naghinulsul na ako sa akong mga salang tanan sa bug-os kong kasing-kasing nagsaad na ako ug malig-on nga dili na makasala pag-usab ug likayan ko na man ang mga kahigayonan sa pagpakasala ug maga-kompisal ako ug magatuman sa penitencia nga isugo kanako, ihalad ko man kanimo ang akong kinabuhi ang mga buhat ug ang akong kabudlayan nga tanan, nga igabayad sa akong mga sala ug milaom ako sa imong Diosnon nga kaayo ug kalooy nga walay katapusan nga pasayloon mo ako tungod sa pagpasakit ug pagkamatay Mo sa Krus ug hatagan Mo ako sa imong Santos nga grasya nga ikabalhin ko sa akong mga gawi ug igapadayon ko pagtuman sa maayong buhat kutub sa ikamatay ko. AMEN.

ORACION SA MATAG ADLAW

Manunubus namo, Señor Jesucristo, matuod nga Dios ug matuod nga tawo, tungod sa dakung paghigugma kanamo, dung-gon Mo kami, ug tugoti kami sa among gipangayo Kanimo tungud sa mga pahanungdan sa Imong mahal nga dugo, ug tungod sa kamahalan sa Principe sa mga Angheles nga mao ang Imong dakung alagad ug among Ginoo, nga si Señor San Miguel Arkanghel, busa kay nagtigum man kami sa pagdayeg Kanimo ug sa among Patron nga katingalahan; taga-i kami sa mainit nga paghinulsul ug malig-on nga pagsaad sa among mga sala aron dili kami masapayan sa among gipangamuyo Kanimo niining novena ug dagkuti ang among kasingkasing sa kalayo sa Imong gugma aron dili kami magyabag-yabag sa mga manggad ning kalibutan ug taga-i usab kami sa ngatanan nga kaugalingon sa among gituyo ning novena kon uyon sa Imong diosnon nga kabubot-on ug kon angay sa among mga kalag. AMEN.

IKALIMA KA ADLAW

IHALAD TA SA DIOS TUNGUD SA MGA HARI NGA KRISTIANOS.

ORACION NGA PAGASABTAN

Dios nga usa ra, ug Ginoo sa mga tronos matuod nga ginikanan sa ngatanan, kay tungud sa Imong kalooy gihatag Mo kanamo ang dakung magbalantay sa Imong paghimaya nga si Señor San Miguel, nga gitagaan Mo ug gahum nga labi sa ngatanan nga mga panggubatan nga ngatanan, aron siya mahimo ug maayong maghuhupot ug dalangpanan sa ngatanan ga mga ginharin sa kalibutan nanagdayeg ug nagpasalamat kami Kanimo ug nianang Imong gipalabi ug gitagaan sa Imong pagbuot ug kayo kay aron sa iyang kamut, gumikan ang kayo sa ginharian sa España bantayan ug lamdagan sa panagdait ang among Hari, taga-i siya ug kayo sa iyang kalag ug lawas, ug ngatanan nga mga hari, nga kristianos imo silang pag-uyonan, kay aron sa adlaw sa mga kalisud panagdag-on nila ang ilang mga kaaway ug pauswagon ang imong batasan nga santos uyamot, kay aron sa ingon niana managdayeg kami kanimo diha sa Gloria nga mao ang paghimaya sa sa langit. AMEN.

AMAHAN NAMO anaa ka sa mga langit pagdaygon ang imong ngalan umabot ka namo ang imong gingharian. Matuman ang imong mga pagbuot dinhi sa yuta maingon sa langit. Ang kalan-un namo sa matag adlaw ihatag kanamo karon adlawa ug pasayloa kami sa among mga sala ingon nga nagapasaylo kami sa mga nakasala kanamo ug dili mo kami itugyan sa mga panulay. Hinunua luwasa kami sa mga dautan.

MAGHIMAYA KA MARIA, Puno ka sa grasya. Ang Ginoo-ong Dios maana-a kanimo bulahan ka sa mga babayeng tanan ug bulahan man usab ang bunga sa tiyan nga si Hesus.

SANTA MARIA Inahan ka sa Dios. Ig-ampo mo kaming mga makasasala, karon ug sa oras sa among ikamatay. AMEN.

MITUO AKO sa Dios nga Amahan. Makagagahum sa nga tanan. Magbubuhat sa langit ug sa yuta. Mituo ako sa iyang Anak nga bugtong nga si Jesucristo. Nga gipanamkon sa lalang sa Espirito Santo. Gi-anak ni Santa Maria nga Birhen. Gi-sakit sa sugo ni Poncio Pilato. Gi-lansang sa Krus, namatay ug gi-lubong diha sa mga minatay. Misaka sa langit ug nagalingkod sa tuo sa Dios nga Amahan makagagahum sa mga tanan. Gikan didto mobalik siya aron sa paghukom sa mga buhi ug sa mga minatay. Mituo ako sa Espirito Santo. Mituo usab ako nga may Santa Iglesya Katolika. Sa ka-ambitan sa mga Santos sa kapasayloan sa mga sala. Sa pagkabanhaw sa mga minatay ug sa kinabuhing dayon. AMEN.

ORACION NGA KAUGALINGON

Punoan sa mga tronos ug dalangpan ug manlalaban sa mga hari ug yuta, Señor San Miguel! Nagapaubos ako gayud pag-ampo kanimo aron bantayan mo ang korona sa ginharian sa España, nga sa dakung pagtoo nagasilbi sa Santa Iglesya ni Jesucristo nga atong Ginoo, hayagan ang among hari ug ang among mga punoan ngatanan, aron maayo ug malinaw ang ilang pagbuot ug ang ilang pagkahari kanamo, ug tabangi kami aron tumanon namo sa walay kalisud, ang ilang mga matarong nga sugo; ang uban usab nga mga hari nga kristianos imo sila ipauyon sa pagdait ug sa pag-angay, aron makadaug sa ilang mga kaaway ug sa mga kaaway sa Santa Iglesya, tabangi ug lamdagi ang mga ginsakopan nga kristianos, ug maingon nga gigawas mo ang langit sa mga sala ug sa mga kayugot, igawas usab kanang tanan nga mga ginharian sa kalibutan aron kaming tanan managdayeg sa atong Dios ug kanimo diha sa Gloria nga mao ang paghimaya sa langit. AMEN.

GOZOS

Sa pag-adto ug sa pagdangat sa langit sa katam-isan.