SAN MIGUEL ARKANGHEL: Day 2 – September 21 NOVENA SA GLORIOSO SAN MIGUEL ARKANGHEL

NOVENA SA GLORIOSO SAN MIGUEL ARKANGHEL

Day 2 – September 21

Tungod sa timaan, Sta. Cruz sa among mga kaaway bawion mo kami Ginoong Dios namo, sa ngalan sa Amahan, sa Anak, ug sa Espiritu Santo. AMEN.

ACTO DE CONTRICION

Ginoo kong Jesucristo Dios ug tawo nga matuod, magbubuhat ug manunubos ko, tungod sa pagka Dios mo nahagugma ako kanimo labi sa nga tanan, busa nagbasol na ako ug daku uyamot ug naghinulsul na ako sa akong mga salang tanan sa bug-os kong kasing-kasing nagsaad na ako ug malig-on nga dili na makasala pag-usab ug likayan ko na man ang mga kahigayonan sa pagpakasala ug maga-kompisal ako ug magatuman sa penitencia nga isugo kanako, ihalad ko man kanimo ang akong kinabuhi ang mga buhat ug ang akong kabudlayan nga tanan, nga igabayad sa akong mga sala ug milaom ako sa imong Diosnon nga kaayo ug kalooy nga walay katapusan nga pasayloon mo ako tungod sa pagpasakit ug pagkamatay Mo sa Krus ug hatagan Mo ako sa imong Santos nga grasya nga ikabalhin ko sa akong mga gawi ug igapadayon ko pagtuman sa maayong buhat kutub sa ikamatay ko. AMEN.

ORACION SA MATAG ADLAW

Manunubus namo, Señor Jesucristo, matuod nga Dios ug matuod nga tawo, tungod sa dakung paghigugma kanamo, dung-gon Mo kami, ug tugoti kami sa among gipangayo Kanimo tungud sa mga pahanungdan sa Imong mahal nga dugo, ug tungod sa kamahalan sa Principe sa mga Angheles nga mao ang Imong dakung alagad ug among Ginoo, nga si Señor San Miguel Arkanghel, busa kay nagtigum man kami sa pagdayeg Kanimo ug sa among Patron nga katingalahan; taga-i kami sa mainit nga paghinulsul ug malig-on nga pagsaad sa among mga sala aron dili kami masapayan sa among gipangamuyo Kanimo niining novena ug dagkuti ang among kasingkasing sa kalayo sa Imong gugma aron dili kami magyabag-yabag sa mga manggad ning kalibutan ug taga-i usab kami sa ngatanan nga kaugalingon sa among gituyo ning novena kon uyon sa Imong diosnon nga kabubot-on ug kon angay sa among mga kalag. AMEN.

IKADUHA KA ADLAW

IHALAD TA SA DIOS TUNGOD SA IYANG VICARIO SA YUTA NGA MAO ANG SANTOS NGA PAPA SA ROMA

ORACION NGA PAGASABTAN

Makagagahum ug matam-is nga maloloy-on uyamut nga Dios sa mga Arkanghel, nga tungod sa Imong luyo-luyo ug pangulo sa pang-gubatan nga si Señor San Miguel, gitabangan Mo ang Sinagoga ang lungsod sa Israel, ug karon gitabangan Mo ug gihayagan ug gilabanan Mo ang Santa Iglesya, naga-ampo kami Kanimo, tungod kang Jesus ang Imong Anak nga bugtong, nga bantayan Mo Ginoo, ang Santo Papa sa Roma, ug bawi-on mo siya sa ngatanan nga mga ikadaut ug tabangan Mo siya aron dili siya padaug sa iyang kaaway, ug lamdagan Mo siya aron makatultul pagbantay ug pagtuman sa imong diosnon nga batasan kutub sa buhi pa siya, aron unya kon mamatay makapahulay sa Imong Gloria nga mao ang himaya sa langit. AMEN.

AMAHAN NAMO anaa ka sa mga langit pagdaygon ang imong ngalan umabot ka namo ang imong gingharian. Matuman ang imong mga pagbuot dinhi sa yuta maingon sa langit. Ang kalan-un namo sa matag adlaw ihatag kanamo karon adlawa ug pasayloa kami sa among mga sala ingon nga nagapasaylo kami sa mga nakasala kanamo ug dili mo kami itugyan sa mga panulay. Hinunua luwasa kami sa mga dautan.

MAGHIMAYA KA MARIA, Puno ka sa grasya. Ang Ginoo-ong Dios maana-a kanimo bulahan ka sa mga babayeng tanan ug bulahan man usab ang bunga sa tiyan nga si Hesus.

SANTA MARIA Inahan ka sa Dios. Ig-ampo mo kaming mga makasasala, karon ug sa oras sa among ikamatay. AMEN.

MITUO AKO sa Dios nga Amahan. Makagagahum sa nga tanan. Magbubuhat sa langit ug sa yuta. Mituo ako sa iyang Anak nga bugtong nga si Jesucristo. Nga gipanamkon sa lalang sa Espirito Santo. Gi-anak ni Santa Maria nga Birhen. Gi-sakit sa sugo ni Poncio Pilato. Gi-lansang sa Krus, namatay ug gi-lubong diha sa mga minatay. Misaka sa langit ug nagalingkod sa tuo sa Dios nga Amahan makagagahum sa mga tanan. Gikan didto mobalik siya aron sa paghukom sa mga buhi ug sa mga minatay. Mituo ako sa Espirito Santo. Mituo usab ako nga may Santa Iglesya Katolika. Sa ka-ambitan sa mga Santos sa kapasayloan sa mga sala. Sa pagkabanhaw sa mga minatay ug sa kinabuhing dayon. AMEN.

ORACION NGA KAUGALINGON

Principe nga matam-is uyamut Señor San Miguel, tungod kay ikaw man ang gitugyanan sa Santa Iglesya sa atong Ginoong Jesucristo, sa pagbantay kang San Pedro ug sa uban nga mga Apostoles ug sa mga dicipulos ug mga santos naga-ampo kami kanimo tungod sa among Santos nga Papa, nga bantayan mo ug gawason ug paglabanan mo siya, tagaan mo siya sa kusog nga ikadayon niya sa pagtuman sa batasan nga santos sa among pagka-kristianos, ug gahum sa pagdaug niya sa mga kaaway sa Santa Iglesya; ug sa iyang mga kaaway lamdagan mo aron mahimo nga hingpit ug malig-on ang iyang pagkahari sa mga kalag sa mga kristianos lamdagan mo usab anghel nga Santos aron maka-abot sa pagbunyag ug mahasakop sa matam-is nga gahum sa Santos nga Papa, taga-an usab, kaming tanan sa pag-ila pagtuman sa iyang pagbuot ug pag-ila usab sa atong Ginoo nga matuod nga Dios. AMEN.

GOZOS

Sa pag-adto ug sa pagdangat sa langit sa katam-isan.