SAN MIGUEL ARKANGHEL: Day 9 – September 28 NOVENA SA GLORIOSO SAN MIGUEL ARKANGHEL

NOVENA SA GLORIOSO SAN MIGUEL ARKANGHEL

Day 9 – September 28

Tungod sa timaan, Sta. Cruz sa among mga kaaway bawion mo kami Ginoong Dios namo, sa ngalan sa Amahan, sa Anak, ug sa Espiritu Santo. AMEN.

ACTO DE CONTRICION

Ginoo kong Jesucristo Dios ug tawo nga matuod, magbubuhat ug manunubos ko, tungod sa pagka Dios mo nahagugma ako kanimo labi sa nga tanan, busa nagbasol na ako ug daku uyamot ug naghinulsul na ako sa akong mga salang tanan sa bug-os kong kasing-kasing nagsaad na ako ug malig-on nga dili na makasala pag-usab ug likayan ko na man ang mga kahigayonan sa pagpakasala ug maga-kompisal ako ug magatuman sa penitencia nga isugo kanako, ihalad ko man kanimo ang akong kinabuhi ang mga buhat ug ang akong kabudlayan nga tanan, nga igabayad sa akong mga sala ug milaom ako sa imong Diosnon nga kaayo ug kalooy nga walay katapusan nga pasayloon mo ako tungod sa pagpasakit ug pagkamatay Mo sa Krus ug hatagan Mo ako sa imong Santos nga grasya nga ikabalhin ko sa akong mga gawi ug igapadayon ko pagtuman sa maayong buhat kutub sa ikamatay ko. AMEN.

ORACION SA MATAG ADLAW

Manunubus namo, Señor Jesucristo, matuod nga Dios ug matuod nga tawo, tungod sa dakung paghigugma kanamo, dung-gon Mo kami, ug tugoti kami sa among gipangayo Kanimo tungud sa mga pahanungdan sa Imong mahal nga dugo, ug tungod sa kamahalan sa Principe sa mga Angheles nga mao ang Imong dakung alagad ug among Ginoo, nga si Señor San Miguel Arkanghel, busa kay nagtigum man kami sa pagdayeg Kanimo ug sa among Patron nga katingalahan; taga-i kami sa mainit nga paghinulsul ug malig-on nga pagsaad sa among mga sala aron dili kami masapayan sa among gipangamuyo Kanimo niining novena ug dagkuti ang among kasingkasing sa kalayo sa Imong gugma aron dili kami magyabag-yabag sa mga manggad ning kalibutan ug taga-i usab kami sa ngatanan nga kaugalingon sa among gituyo ning novena kon uyon sa Imong diosnon nga kabubot-on ug kon angay sa among mga kalag. AMEN.

IKASIYAM KA ADLAW

IHALAD TA SA DIOS TUNGUD SA ATONG LUNGSOD.

ORACION NGA PAGASABTAN

Dios sa gugma, ug Ginoo sa mga Serafines! Nagapasalamat kami kanimo kay gihuman mo kanamo kining among novena sa among Sr. San Miguel, sa pagdangat sa among tuyo; tugoti kaming tanan nga managpuyo niining lungsod sa pagtuo ug paglaum ug paghigugma nga daku kanimo u gang Santos nga Papa nga imong ilis dinhi sa yuta igawas sa mga kadautan sa iyang mga kaaway; ug ang mga kristianos nga katoliko magdaghan ug molukop sa kalibutan ug pagdayegon ang imong ngalan sa mga katawhan ngatanan, ug ang mga herejes, mga diwatahan ug ngatanan nga dili kristianos dili makadaug sa mga maayo, ug managbalik kanimo; ug ang haring kristianos masig-uyon aron makadaug sa mga dautan ug aron sa ingon niana managdait dinhi sa kalibutan; ug gawason mo ang mga gipamihag nga kristianos sa ilang tanang mga kalisud, aron mahauli sa ilang lungsod; ug nga ang mga masakiton mamaayo sa madali sa ilang sakit ug kon daw mamatay man ugaling tabangan mo sila sa kayo sa ilang katapusan nga oras; ug ang among tanaman himuslan namo unya sa panuig; itugot mo usab kanamo ang usa ka kinabuhi nga malinaw dinhi sa kalibutan ug sa among pagkamatay pasak-on mo kami sa ginharian sa langit. AMEN.

AMAHAN NAMO anaa ka sa mga langit pagdaygon ang imong ngalan umabot ka namo ang imong gingharian. Matuman ang imong mga pagbuot dinhi sa yuta maingon sa langit. Ang kalan-un namo sa matag adlaw ihatag kanamo karon adlawa ug pasayloa kami sa among mga sala ingon nga nagapasaylo kami sa mga nakasala kanamo ug dili mo kami itugyan sa mga panulay. Hinunua luwasa kami sa mga dautan.

MAGHIMAYA KA MARIA, Puno ka sa grasya. Ang Ginoo-ong Dios maana-a kanimo bulahan ka sa mga babayeng tanan ug bulahan man usab ang bunga sa tiyan nga si Hesus.

SANTA MARIA Inahan ka sa Dios. Ig-ampo mo kaming mga makasasala, karon ug sa oras sa among ikamatay. AMEN.

MITUO AKO sa Dios nga Amahan. Makagagahum sa nga tanan. Magbubuhat sa langit ug sa yuta. Mituo ako sa iyang Anak nga bugtong nga si Jesucristo. Nga gipanamkon sa lalang sa Espirito Santo. Gi-anak ni Santa Maria nga Birhen. Gi-sakit sa sugo ni Poncio Pilato. Gi-lansang sa Krus, namatay ug gi-lubong diha sa mga minatay. Misaka sa langit ug nagalingkod sa tuo sa Dios nga Amahan makagagahum sa mga tanan. Gikan didto mobalik siya aron sa paghukom sa mga buhi ug sa mga minatay. Mituo ako sa Espirito Santo. Mituo usab ako nga may Santa Iglesya Katolika. Sa ka-ambitan sa mga Santos sa kapasayloan sa mga sala. Sa pagkabanhaw sa mga minatay ug sa kinabuhing dayon. AMEN.

ORACION NGA KAUGALINGON

Matuod ug mahigugmaon nga hataas uyamut nga Arkanghel, manlalaban sa dungog sa Ginoo ug matuod nga magbalantay sa Iyang pagka Dios, Senor San Miguel, aron kami makatapus sa among Novena kanimo, itugot mo kanamo ang tanan nga among gipangayo kanimo, ug labut pa niana ang kaugalingon nga gituyo namo, kon angay sa himaya sa Dios ug kayo sa among mga kalag; ikuna mo ang tanang mga tawo nga nagpuyo ning lungsod sa usa ka dakung debosyon ug paghigugma sa matuod nga Inahan sa Dios nga si Maria nga santos ug putli uyamot kay Inahan ug dalangpanan man siya sa mga makasasala ug sa mga makalolooy; tabangan mo kaming tanan sa mga kalisud nga daku, ug sa mga kalisud sa adlaw-adlaw ipanguha mo kami sa santos nga gracia aron maayo ang among pagtuman sa among pagkakristianos ug sa oras sa among sa among ikamatay kaloy-an ug tabangan mo kami kayo, aron mahiagum kami sa walay katapusan nga kalipay nga mao ang himaya sa langit. AMEN.

GOZOS

Sa pag-adto ug sa pagdangat sa langit sa katam-isan.