SAN MIGUEL ARKANGHEL: Day 7 – September 26 NOVENA SA GLORIOSO SAN MIGUEL ARKANGHEL

NOVENA SA GLORIOSO SAN MIGUEL ARKANGHEL

Day 7 – September 26

Tungod sa timaan, Sta. Cruz sa among mga kaaway bawion mo kami Ginoong Dios namo, sa ngalan sa Amahan, sa Anak, ug sa Espiritu Santo. AMEN.

ACTO DE CONTRICION

Ginoo kong Jesucristo Dios ug tawo nga matuod, magbubuhat ug manunubos ko, tungod sa pagka Dios mo nahagugma ako kanimo labi sa nga tanan, busa nagbasol na ako ug daku uyamot ug naghinulsul na ako sa akong mga salang tanan sa bug-os kong kasing-kasing nagsaad na ako ug malig-on nga dili na makasala pag-usab ug likayan ko na man ang mga kahigayonan sa pagpakasala ug maga-kompisal ako ug magatuman sa penitencia nga isugo kanako, ihalad ko man kanimo ang akong kinabuhi ang mga buhat ug ang akong kabudlayan nga tanan, nga igabayad sa akong mga sala ug milaom ako sa imong Diosnon nga kaayo ug kalooy nga walay katapusan nga pasayloon mo ako tungod sa pagpasakit ug pagkamatay Mo sa Krus ug hatagan Mo ako sa imong Santos nga grasya nga ikabalhin ko sa akong mga gawi ug igapadayon ko pagtuman sa maayong buhat kutub sa ikamatay ko. AMEN.

ORACION SA MATAG ADLAW

Manunubus namo, Señor Jesucristo, matuod nga Dios ug matuod nga tawo, tungod sa dakung paghigugma kanamo, dung-gon Mo kami, ug tugoti kami sa among gipangayo Kanimo tungud sa mga pahanungdan sa Imong mahal nga dugo, ug tungod sa kamahalan sa Principe sa mga Angheles nga mao ang Imong dakung alagad ug among Ginoo, nga si Señor San Miguel Arkanghel, busa kay nagtigum man kami sa pagdayeg Kanimo ug sa among Patron nga katingalahan; taga-i kami sa mainit nga paghinulsul ug malig-on nga pagsaad sa among mga sala aron dili kami masapayan sa among gipangamuyo Kanimo niining novena ug dagkuti ang among kasingkasing sa kalayo sa Imong gugma aron dili kami magyabag-yabag sa mga manggad ning kalibutan ug taga-i usab kami sa ngatanan nga kaugalingon sa among gituyo ning novena kon uyon sa Imong diosnon nga kabubot-on ug kon angay sa among mga kalag. AMEN.

IKAPITO KA ADLAW

IHALAD TA SA DIOS TUNGUD SA MGA MASAKITON.

ORACION NGA PAGASABTAN

Walay kausaban nga Dios sa mga virtudes Amahan nga mahigugmaon sa mga kristianos ug matarung nga humalatag sa mga kaayohan sa among kalag ug lawas, kay tungud sa Imong dakung paghigugma kanamo gisugo Mo ang Imong usa rang Anak nga Dios aron makaayo sa mga sakit sa mga katawhan ug gihatag mo kanamo ang among Señor San Miguel, aron makatabang ug makabawi kanamo sa ngatanan nga mga kalisud; naga-ampo kami Kanimo, nga kaloy-an mo ang mga masakiton, aron ang mga tambal makaigo sa ilang mga sakit, ug gawason sila sa mga kayugot ug mga kamingaw, ug sa ingon niana madali unta sila pagbangon sa ilang gihigdaan aron madali usab moadto sa santos nga simbahan sa pagpasalamat Kanio, ug pagdayeg sa Imong kalooy kanila; kon daw nga tawgon Mo sila sa lain nga kinabuhi, naga-ampo kami Kanimo tungud sa Inahan sa Imong bugtong nga Anak nga Inahan man sa mga tawong makalolooy, nga tabangan ug kaloy-an Mo sila sa oras sa ilang pagtinga aron uban sa mga kalag sa Purgatorio mahiagum Kanimo sa Gloria nga mao ang paghimaya sa langit. AMEN.

AMAHAN NAMO anaa ka sa mga langit pagdaygon ang imong ngalan umabot ka namo ang imong gingharian. Matuman ang imong mga pagbuot dinhi sa yuta maingon sa langit. Ang kalan-un namo sa matag adlaw ihatag kanamo karon adlawa ug pasayloa kami sa among mga sala ingon nga nagapasaylo kami sa mga nakasala kanamo ug dili mo kami itugyan sa mga panulay. Hinunua luwasa kami sa mga dautan.

MAGHIMAYA KA MARIA, Puno ka sa grasya. Ang Ginoo-ong Dios maana-a kanimo bulahan ka sa mga babayeng tanan ug bulahan man usab ang bunga sa tiyan nga si Hesus.

SANTA MARIA Inahan ka sa Dios. Ig-ampo mo kaming mga makasasala, karon ug sa oras sa among ikamatay. AMEN.

MITUO AKO sa Dios nga Amahan. Makagagahum sa nga tanan. Magbubuhat sa langit ug sa yuta. Mituo ako sa iyang Anak nga bugtong nga si Jesucristo. Nga gipanamkon sa lalang sa Espirito Santo. Gi-anak ni Santa Maria nga Birhen. Gi-sakit sa sugo ni Poncio Pilato. Gi-lansang sa Krus, namatay ug gi-lubong diha sa mga minatay. Misaka sa langit ug nagalingkod sa tuo sa Dios nga Amahan makagagahum sa mga tanan. Gikan didto mobalik siya aron sa paghukom sa mga buhi ug sa mga minatay. Mituo ako sa Espirito Santo. Mituo usab ako nga may Santa Iglesya Katolika. Sa ka-ambitan sa mga Santos sa kapasayloan sa mga sala. Sa pagkabanhaw sa mga minatay ug sa kinabuhing dayon. AMEN.

ORACION NGA KAUGALINGON

Santos nga Arcanghel Señor San Miguel punoan sa mga Virtudes, ug maloloy-on nga magbalantay sa mga tawong makalolooy nalipay kami ug dako tungud sa dakung gahum ug kalooy nga gibutang sa Dios kanimo nga bisan mga dautan man kami ikaw nagatinguha gihapon ug nagatimaan sa kayo sa among mga kalag ug lawas, naga-ampo kami kanimo, nga bantayan ug kaloy-an mo ang mga masakiton nga kristianos aron kaigoan sa mga tambal, ug dili magapuyo ug dugay sa balay, kon dili madali sila unta mamaayo sa ilang sakit, aron managsaulog sa ngalan sa Dios nga nakaayo kanila, apan kon daw mamatay sila, kaloy-an ug tabangan mo kaayon, aron maayo ang ilang pagkalawat sa mga Sacramentos sa Santa Iglesya, ug aron dili sila padaug sa mga panulay sa yawa sa ilang pagtinga, ug sa ingon niana uban sa mga kalag sa Purgatorio dawaton mo sila sa gingharian sa Gloria nga mao ang paghimaya sa langit. AMEN.

GOZOS

Sa pag-adto ug sa pagdangat sa langit sa katam-isan.