SAN MIGUEL ARKANGHEL: Day 4 – September 23 NOVENA SA GLORIOSO SAN MIGUEL ARKANGHEL

NOVENA SA GLORIOSO SAN MIGUEL ARKANGHEL

Day 4 – September 23

Tungod sa timaan, Sta. Cruz sa among mga kaaway bawion mo kami Ginoong Dios namo, sa ngalan sa Amahan, sa Anak, ug sa Espiritu Santo. AMEN.

ACTO DE CONTRICION

Ginoo kong Jesucristo Dios ug tawo nga matuod, magbubuhat ug manunubos ko, tungod sa pagka Dios mo nahagugma ako kanimo labi sa nga tanan, busa nagbasol na ako ug daku uyamot ug naghinulsul na ako sa akong mga salang tanan sa bug-os kong kasing-kasing nagsaad na ako ug malig-on nga dili na makasala pag-usab ug likayan ko na man ang mga kahigayonan sa pagpakasala ug maga-kompisal ako ug magatuman sa penitencia nga isugo kanako, ihalad ko man kanimo ang akong kinabuhi ang mga buhat ug ang akong kabudlayan nga tanan, nga igabayad sa akong mga sala ug milaom ako sa imong Diosnon nga kaayo ug kalooy nga walay katapusan nga pasayloon mo ako tungod sa pagpasakit ug pagkamatay Mo sa Krus ug hatagan Mo ako sa imong Santos nga grasya nga ikabalhin ko sa akong mga gawi ug igapadayon ko pagtuman sa maayong buhat kutub sa ikamatay ko. AMEN.

ORACION SA MATAG ADLAW

Manunubus namo, Señor Jesucristo, matuod nga Dios ug matuod nga tawo, tungod sa dakung paghigugma kanamo, dung-gon Mo kami, ug tugoti kami sa among gipangayo Kanimo tungud sa mga pahanungdan sa Imong mahal nga dugo, ug tungod sa kamahalan sa Principe sa mga Angheles nga mao ang Imong dakung alagad ug among Ginoo, nga si Señor San Miguel Arkanghel, busa kay nagtigum man kami sa pagdayeg Kanimo ug sa among Patron nga katingalahan; taga-i kami sa mainit nga paghinulsul ug malig-on nga pagsaad sa among mga sala aron dili kami masapayan sa among gipangamuyo Kanimo niining novena ug dagkuti ang among kasingkasing sa kalayo sa Imong gugma aron dili kami magyabag-yabag sa mga manggad ning kalibutan ug taga-i usab kami sa ngatanan nga kaugalingon sa among gituyo ning novena kon uyon sa Imong diosnon nga kabubot-on ug kon angay sa among mga kalag. AMEN.

IKAUPAT KA ADLAW

IHALAD TA SA DIOS TUNGUD SA MGA TAWONG

DAUTAN ARON MANAGBALIK SA DIOS

ORACION NGA PAGASABTAN

Dios ug Ginoo sa mga Potestades; kay gipili Mo si Señor San Miguel nga among mag-alampo, aron magahulog kang Satanas ug sa ngatanan nga mga yawa sa infierno busa nagapasalamat kami Kanimo, tungud kay gipili Mo siya aron makadaug sa mga dautan, tugoti kami, Amahan nga walay katapusan; nga ang mga dautan na tuyo sa mga judios, sa mga herejes, sa mga diwatahan ug sa ngatanan nga dili maayong tawo, dili maka-alaut sa ilang gika-ibog kontra sa Santa Iglesya ug kontra sa among mga kalag pugngan mo sila aron dili magasalig sa ilang kapintas, apan kay tawo man ang ilang mga kalag gipanubus sa mahal sa mahal nga dugo ni Jesucristo nga among Ginoo, hayagan ug lamdagan mo sila, aron tungud sa mga pahanungdan nianang dugo, ngatanan nga dili kristianos, nga mga judios, nga mga erehes, nga mga diwatahan ug ngatanan nga tungug sa ilang mga sala nahamulag sa Imong gracia, managbalik Kanimo, aron ang ngatanan maghinulsul sa ilang mga sayop ug mahiagum sa pagkakita Kanimo diha sa Gloria nga mao ang paghimaya sa langit. AMEN.

AMAHAN NAMO anaa ka sa mga langit pagdaygon ang imong ngalan umabot ka namo ang imong gingharian. Matuman ang imong mga pagbuot dinhi sa yuta maingon sa langit. Ang kalan-un namo sa matag adlaw ihatag kanamo karon adlawa ug pasayloa kami sa among mga sala ingon nga nagapasaylo kami sa mga nakasala kanamo ug dili mo kami itugyan sa mga panulay. Hinunua luwasa kami sa mga dautan.

MAGHIMAYA KA MARIA, Puno ka sa grasya. Ang Ginoo-ong Dios maana-a kanimo bulahan ka sa mga babayeng tanan ug bulahan man usab ang bunga sa tiyan nga si Hesus.

SANTA MARIA Inahan ka sa Dios. Ig-ampo mo kaming mga makasasala, karon ug sa oras sa among ikamatay. AMEN.

MITUO AKO sa Dios nga Amahan. Makagagahum sa nga tanan. Magbubuhat sa langit ug sa yuta. Mituo ako sa iyang Anak nga bugtong nga si Jesucristo. Nga gipanamkon sa lalang sa Espirito Santo. Gi-anak ni Santa Maria nga Birhen. Gi-sakit sa sugo ni Poncio Pilato. Gi-lansang sa Krus, namatay ug gi-lubong diha sa mga minatay. Misaka sa langit ug nagalingkod sa tuo sa Dios nga Amahan makagagahum sa mga tanan. Gikan didto mobalik siya aron sa paghukom sa mga buhi ug sa mga minatay. Mituo ako sa Espirito Santo. Mituo usab ako nga may Santa Iglesya Katolika. Sa ka-ambitan sa mga Santos sa kapasayloan sa mga sala. Sa pagkabanhaw sa mga minatay ug sa kinabuhing dayon. AMEN.

ORACION NGA KAUGALINGON

Principe sa mga Potestades ug matuod nga manlalaban sa mga kalag, Señor San Miguel naga-ampo kami kanimo nga maingon nga gihulog nimo ang yawa gikan sa mga langit, sa maong gahum tabangan mo ang Santa Iglesya ug ang among mga kalag sa kapintas sa mga Judios, sa mga herejes, sa mga diwatahan ug sa uban nga dili kristianos ug sa ngatanan nga anaa sa salang mortal, kuhaa ang limbong sa mga mata sa ilang kalag ug hayagan sila aron panasakpon ang matuod nga tolohoan ug sa ingon niana arang nila himuslan ang passion o ang pagpasakit sa atong Ginoong Jesucristo, hinloon kining kalibutan sa kahugaw ug kabuling sa mga tolohoan nga dautan, ug sa tungud niana, tabangan mo sa imong dakung gahum, ang mga Pari nga parawali sa mga katawhan sa batasan ni Jesus nga atong Ginoo ug matuod nga Dios. AMEN.

GOZOS

Sa pag-adto ug sa pagdangat sa langit sa katam-isan.