SAN MIGUEL ARKANGHEL: Day 6 – September 25 NOVENA SA GLORIOSO SAN MIGUEL ARKANGHEL

NOVENA SA GLORIOSO SAN MIGUEL ARKANGHEL

Day 6 – September 25

Tungod sa timaan, Sta. Cruz sa among mga kaaway bawion mo kami Ginoong Dios namo, sa ngalan sa Amahan, sa Anak, ug sa Espiritu Santo. AMEN.

ACTO DE CONTRICION

Ginoo kong Jesucristo Dios ug tawo nga matuod, magbubuhat ug manunubos ko, tungod sa pagka Dios mo nahagugma ako kanimo labi sa nga tanan, busa nagbasol na ako ug daku uyamot ug naghinulsul na ako sa akong mga salang tanan sa bug-os kong kasing-kasing nagsaad na ako ug malig-on nga dili na makasala pag-usab ug likayan ko na man ang mga kahigayonan sa pagpakasala ug maga-kompisal ako ug magatuman sa penitencia nga isugo kanako, ihalad ko man kanimo ang akong kinabuhi ang mga buhat ug ang akong kabudlayan nga tanan, nga igabayad sa akong mga sala ug milaom ako sa imong Diosnon nga kaayo ug kalooy nga walay katapusan nga pasayloon mo ako tungod sa pagpasakit ug pagkamatay Mo sa Krus ug hatagan Mo ako sa imong Santos nga grasya nga ikabalhin ko sa akong mga gawi ug igapadayon ko pagtuman sa maayong buhat kutub sa ikamatay ko. AMEN.

ORACION SA MATAG ADLAW

Manunubus namo, Señor Jesucristo, matuod nga Dios ug matuod nga tawo, tungod sa dakung paghigugma kanamo, dung-gon Mo kami, ug tugoti kami sa among gipangayo Kanimo tungud sa mga pahanungdan sa Imong mahal nga dugo, ug tungod sa kamahalan sa Principe sa mga Angheles nga mao ang Imong dakung alagad ug among Ginoo, nga si Señor San Miguel Arkanghel, busa kay nagtigum man kami sa pagdayeg Kanimo ug sa among Patron nga katingalahan; taga-i kami sa mainit nga paghinulsul ug malig-on nga pagsaad sa among mga sala aron dili kami masapayan sa among gipangamuyo Kanimo niining novena ug dagkuti ang among kasingkasing sa kalayo sa Imong gugma aron dili kami magyabag-yabag sa mga manggad ning kalibutan ug taga-i usab kami sa ngatanan nga kaugalingon sa among gituyo ning novena kon uyon sa Imong diosnon nga kabubot-on ug kon angay sa among mga kalag. AMEN.

IKAUNOM KA ADLAW

IHALAD TA SA DIOS TUNGUD SA MGA BIHAG NGA KRISTIANOS.

ORACION NGA PAGASABTAN

Dios nga makagagahum sa mga Dominaciones, Hari Sa Ginoo nga maloloy-on nga walay katapusan nga tungod sa Imong dakung paghigugma kanamo gihatag Mo ang Imong usa rang Anak aron magapakatawo tungud kanamo, ug magpanubos sa among mga kalag tungug sa Iyang santos uyamut nga pagpasakit ug pagpakamatay, ug ingon niana nakabawi sa among mga kalag sa kabihagan sa yawa; nagaluhod kami Kanimo sa matuod nga pagpaubos sa pag-ampo Kanimo nga maingon nga niadtong gisugo Mo ang Imong dakung sulogoon nga si Señor San Miguel aron kuhaon niya, tungud sa Imong dakung gahum nga anaa kaniya ang Imong piniling lungsod sa kabihagan sa Ehipto, sugoon Mo usab karon siya aron tubson; kuhaon ug gawason niya ang labing pinili Mong lungsod sa mga kristianos nga gipamihag sa mga moros aron sa ilang paghi-uli managdayeg Kanimo sa santos nga simbahan, ug kaming tanan managpasalamat Kanimo sa Gloria nga mao ang paghimaya sa langit. AMEN.

AMAHAN NAMO anaa ka sa mga langit pagdaygon ang imong ngalan umabot ka namo ang imong gingharian. Matuman ang imong mga pagbuot dinhi sa yuta maingon sa langit. Ang kalan-un namo sa matag adlaw ihatag kanamo karon adlawa ug pasayloa kami sa among mga sala ingon nga nagapasaylo kami sa mga nakasala kanamo ug dili mo kami itugyan sa mga panulay. Hinunua luwasa kami sa mga dautan.

MAGHIMAYA KA MARIA, Puno ka sa grasya. Ang Ginoo-ong Dios maana-a kanimo bulahan ka sa mga babayeng tanan ug bulahan man usab ang bunga sa tiyan nga si Hesus.

SANTA MARIA Inahan ka sa Dios. Ig-ampo mo kaming mga makasasala, karon ug sa oras sa among ikamatay. AMEN.

MITUO AKO sa Dios nga Amahan. Makagagahum sa nga tanan. Magbubuhat sa langit ug sa yuta. Mituo ako sa iyang Anak nga bugtong nga si Jesucristo. Nga gipanamkon sa lalang sa Espirito Santo. Gi-anak ni Santa Maria nga Birhen. Gi-sakit sa sugo ni Poncio Pilato. Gi-lansang sa Krus, namatay ug gi-lubong diha sa mga minatay. Misaka sa langit ug nagalingkod sa tuo sa Dios nga Amahan makagagahum sa mga tanan. Gikan didto mobalik siya aron sa paghukom sa mga buhi ug sa mga minatay. Mituo ako sa Espirito Santo. Mituo usab ako nga may Santa Iglesya Katolika. Sa ka-ambitan sa mga Santos sa kapasayloan sa mga sala. Sa pagkabanhaw sa mga minatay ug sa kinabuhing dayon. AMEN.

ORACION NGA KAUGALINGON

Maloloy-on nga Señor San Miguel kay ikaw ang nahamutang sa pagka Principe sa mga Angheles ug punoan sa Dominaciones; nagakugi ka gihapon sa pagtabang sa mga nanagsubo nga gipanlupigan sa lupig sa pagkaulipon, naga-ampo kami kanimo nga tan-awon mo sa mga mata sa imong kalooy ang mga bihihag nga kristianos nga atua sa kamorosan, tabangan ug bawi-on mo sila sa ilang mga kalisud, maingon nga gibawi mo ang lungsod sa Israel sa mga kamut ni Paraon sa Ehipto; paulion mo sila sa ilang lungsod ug balay, ug aron dili madaut ang ilang mga kalag sa mga limbong ug sa mga batasan nga dautan sa mga moros, pabalikon sa Santa Iglesya, aron managdayeg sa ngalan sa Dios ug kanimo, ug ang dili pa kristianos u gang tanan nga nanagpuyo sa labing mangil-ad nga pagkaulipon sa yawa, tungud sa ilang mga sala, bawi-on mo usab aron kaming tanan managlipay sa Gloria nga mao ang paghimaya sa langit. AMEN.

GOZOS

Sa pag-adto ug sa pagdangat sa langit sa katam-isan.