SAN MIGUEL ARKANGHEL: Day 1 - September 20 NOVENA SA GLORIOSO SAN MIGUEL ARKANGHEL

NOVENA SA GLORIOSO SAN MIGUEL ARKANGHEL

Day 1 – September 20

Tungod sa timaan, Sta. Cruz sa among mga kaaway bawion mo kami Ginoong Dios namo, sa ngalan sa Amahan, sa Anak, ug sa Espiritu Santo. AMEN.

ACTO DE CONTRICION

Ginoo kong Jesucristo Dios ug Tawo nga matuod, magbubuhat ug manunubos ko, tungod sa pagka Dios mo nahagugma ako kanimo labi sa nga tanan, busa nagbasol na ako ug daku uyamot ug naghinulsul na ako sa akong mga salang tanan sa bug-os kong kasing-kasing nagsaad na ako ug malig-on nga dili na makasala pag-usab ug likayan ko na man ang mga kahigayonan sa pagpakasala ug maga-kompisal ako ug magatuman sa penitencia nga isugo kanako, ihalad ko man kanimo ang akong kinabuhi ang mga buhat ug ang akong kabudlayan nga tanan, nga igabayad sa akong mga sala ug milaom ako sa imong Diosnon nga kaayo ug kalooy nga walay katapusan nga pasayloon mo ako tungod sa pagpasakit ug pagkamatay Mo sa Krus ug hatagan Mo ako sa imong Santos nga grasya nga ikabalhin ko sa akong mga gawi ug igapadayon ko pagtuman sa maayong buhat kutub sa ikamatay ko. AMEN.

ORACION SA MATAG ADLAW

Manunubus namo, Señor Jesucristo, matuod nga Dios ug matuod nga tawo, tungod sa dakung paghigugma kanamo, dunggon Mo kami, ug tugoti kami sa among gipangayo Kanimo tungud sa mga pahanungdan sa Imong mahal nga dugo, ug tungod sa kamahalan sa Principe sa mga Angheles nga mao ang Imong dakung alagad ug among Ginoo, nga si Señor San Miguel Arkanghel, busa kay nagtigum man kami sa pagdayeg Kanimo ug sa among Patron nga katingalahan; taga-i kami sa mainit nga paghinulsul ug malig-on nga pagsaad sa among mga sala aron dili kami masapayan sa among gipangamuyo Kanimo niining novena ug dagkuti ang among kasingkasing sa kalayo sa Imong gugma aron dili kami magyabag-yabag sa mga manggad ning kalibutan ug taga-i usab kami sa ngatanan nga kaugalingon sa among gituyo ning novena kon uyon sa Imong diosnon nga kabubot-on ug kon angay sa among mga kalag. AMEN.

NAHA-UNANG ADLAW

KINING NAHA-UNANG ADLAW IHALAD TA SA

DIOS TUNGOD KANATO

ORACION NGA PAGASABTAN

Amahan nga makagagahum ug maloloy-on, Dios sa mga Angheles nga tungod sa Imong paghigugma kanamo gisugo Mo ang Imong usa rang Anak sa pagpanubus sa kalibutan, ug gibuhat Mo nga among Ginoo si San Miguel Arkanghel nga punoan ug pangulo sa iyang mga igsoon nga mga Angheles, dili lamang sa pagsulong gihapon sa mga kalipay sa Imong ginharian sa Langit, kon dili sa pagbantay sa mga katawhan ug labi pa sa mga kristianos; nangamuyo kami Kanimo, Ginoo nga itugot Mo sa mga mangadye ning novena, ang usa ka dakung pag-ila sa Imong mga kalooy ug sa Imong dakung paghigugma kanamo; ug tungod sa among Ginoo nga si San Miguel, lig-onon Mo ang among pagtoo aron dili madaug sa mga panulay sa yawa; taga-i kami ug mainit nga paglaum aron biyaan namo tungod Kanimo ang mga sala ning kalibutan ug sa among kasingkasing, dagkuti Ginoo sa kalayo sa Imong paghigugma, aron kami managsilbi Kanimo sa buhi pa kami, ug unya sa among ikamatay panghi-aguman namo ang Gloria nga mao ang paghimaya nga dayon sa langit. AMEN.

AMAHAN NAMO anaa ka sa mga langit pagdaygon ang imong ngalan umabot ka namo ang imong gingharian. Matuman ang imong mga pagbuot dinhi sa yuta maingon sa langit. Ang kalan-un namo sa matag adlaw ihatag kanamo karon adlawa ug pasayloa kami sa among mga sala ingon nga nagapasaylo kami sa mga nakasala kanamo ug dili mo kami itugyan sa mga panulay. Hinunua luwasa kami sa mga dautan.

MAGHIMAYA KA MARIA, Puno ka sa grasya. Ang Ginoo-ong Dios maana-a kanimo bulahan ka sa mga babayeng tanan ug bulahan man usab ang bunga sa tiyan nga si Hesus.

SANTA MARIA Inahan ka sa Dios. Ig-ampo mo kaming mga makasasala, karon ug sa oras sa among ikamatay. AMEN.

MITUO AKO sa Dios nga Amahan. Makagagahum sa nga tanan. Magbubuhat sa langit ug sa yuta. Mituo ako sa iyang Anak nga bugtong nga si Jesucristo. Nga gipanamkon sa lalang sa Espirito Santo. Gi-anak ni Santa Maria nga Birhen. Gi-sakit sa sugo ni Poncio Pilato. Gi-lansang sa Krus, namatay ug gi-lubong diha sa mga minatay. Misaka sa langit ug nagalingkod sa tuo sa Dios nga Amahan makagagahum sa mga tanan. Gikan didto mobalik siya aron sa paghukom sa mga buhi ug sa mga minatay. Mituo ako sa Espirito Santo. Mituo usab ako nga may Santa Iglesya Katolika. Sa ka-ambitan sa mga Santos sa kapasayloan sa mga sala. Sa pagkabanhaw sa mga minatay ug sa kinabuhing dayon. AMEN.

ORACION NGA KAUGALINGON

Santos uyamot nga San Miguel Arkanghel; nagahimaya kami kanimo tungod kay ikaw gipili sa atong Ginoong Dios nga labi sa mga ka-anghelesan, ug gita-gaan ka ug gahum sa pagbantay ug paglaban sa mga kristianos; lingi-a sa mga mata sa Imong kabutang ug tabangi kami sa ngatanan nga mga kadautan sa among kalag ug lawas,bantaye kami Santos nga Arkanghel sa walay langan kay ang yawa ingon sa mananap nga mapintas; buot sa oras nga tanan mag-agaw sa gracias sa among kasing-kasing dag-on mo siya, maingon sa gidaug nimo sa yawa pa sa mga katuigan, aron dili siya malipay tungud sa pagkapilde sa among mga kalag, ug bugawon mo sa imong gahum ang mga kalisud ug mga sakit namo, aron kami mahagugma sa atong Ginoong Dios dinhi sa kalibutan sa mainit nga paghigugma ug unya arang kami mag-uban kanimo, diha sa Gloria nga mao ang paghimaya sa langit. AMEN.

GOZOS

Sa pag-adto ug sa pagdangat sa langit sa katam-isan.